A principesse Sichelgaite

Nicola Di Bartolomeo da Foggia, Sichelgaita, Duomo di Ravello

da “A VOCAZZIONE”

di Ennio Abate

Lo so, abuso della pazienza degli italianofoni. E quelli che ancora oggi usano il dialetto salernitano-napoletano forse faticheranno a decifrare questo mio, di memoria e scritto. Eppure la soddisfazione di raccontare la storia della Principessa Sichelgaita come se quelli che parlavano in dialetto con me quando ero ragazzo potessero ascoltarmi me la prendo.[E. A.]

Ca abbasce, ao Sud e l’Italie, attuorne all’anne Mille scennetere ‘sti Nurmanne.

Ma a Salierne quanne arrivarene?

Serice [16] anne roppe o Mille. N’arrivarene na quarantine e facettere fore e sarracine, ca rumpevene e palle ao principe e Salierne, Guaimarie quarte. Uè che nomme, eh! Sta cosa a sapimme pa vocche e nu cruniste, ca ere monache a Monteccassine e se chiamave Amate.

Ma simme sicure sicure?

No, nun putite mai esse sicure! Pecché n’atu storiche, Guglielm’e Appul’e, invecie, rice ca sta bande e Nurmanne se rettere ra fa cu nu principe e Bari, nu certe Melo. Pe fa fore e Bizantine ca cummannnave ‘n Puglie.

E allore?

E allore na cose è certe: ca sempe chiù bande e Nurmanne scennetter’e a Sud pe se fottere terre e femmen’e.

Ma quann’arrive a parlà e ‘ sta Sichegaite?

Chiane, chiane! A Storie nun corre. T’aggia fa capì o no ca sti mercenare Nurmanne, cumbattenne mo pe nu principe mo pe n’ate, arrivarene a cummanà pure addò sì crisciute tu. Nun te voglie annuià. Ma primme t’aggia ricere ca pure o Pape r’allore, Leone IX, vuttav’e l’uocchie su ‘stu Sud e l’Italie. E già! Pure isse pensave: “O Sud è mie e me lo gestische cu Die”. E allore facette n’esercite cu surdate imperiali, lungubarde e bizantine. Troppe tarde! E Nurmanne erene diventate già accussì forte ca o vincetter’e. E passamme a stu Guiscarde…

Ah, sì, chille astute e brigante…

… ca primme se mettette contre a Guaimaro IV e Salierne, servenne Pandolfo IV di Capua. Pò, n’anne roppe, siccome chiste nun n’ge rette nì castielle nì a mane ra figlia soie, se ne spusai n’ate, na cert’e Alberada, ca ere pur’esse normanne e figlie e nu conte.

E a che anne simme?

Stamme parlanne e fatt’e capitat’e o 1040 o o 1050, eh! Sti Nurmann’e già cummannavene sule lore su tutte e terre pugliese e campane. E se vulevene arraffà pure a Sicilie. E fu allore ca stu Giuscarde venett’e a sapè e‘sta Sighelgaita e Salierne. E subite sa vulette spusà.

Pare ca ricette : “è giunto a me ed alla mia gente la fama di donna avvenente, saggia, pudica e religiosa: sarà grande onore e gioia per il Popolo normanno vederla sposa e signora del suo duce”.

Sichelgate allore teneve ventidue ann’e. E sempe o cruniste e Muntecassine riceve e solite cose ca ricevene prievete e muonece: ere “ nobile, bella e saggia e onesta, pudica, virile nell’animo e provvida di saggi consigli”. A stess’a cose pare ca a riceve pure Romualdo, o Primate, ‘inzomm’e o vescheve chiù vescove e Salierne.

Azz! Che femmene!

Ma vui ce cririte ca ere sulament’e a bellezze e Sichelgaite ca attizzav’e o Guiscarde? Eh, no! Chille se vuleve arraffà tutte e terre ro Principate longobarde e Salierne, ca mo, muorte Guaimarie – e simm’e ao 1052 – ere cummannate ra o figlie, Gisulfe II. Fatte stà ca, siccome e duie frate e Sichelgaite stu matrimonie nunn’o vulevene, s’inventarene scuse. Primme ricetter’e ca o Giuscarde s’aveva divurzià ra Alberada. Po ca e casse ro Principate erene vote e a sora nun nge putevene ra manche a dote. Ma o Guiscarde nun sentett’e raggion’e e nge ricette:” E chi se ne fotte!

Pare ca ricette pure: A Sichelgaite ng’e dò ie e palazz’e e e terre chiù bell’e e tutt’a Calabrie”.

Fatte stà ca esse rimanett’e principesse longobarde e diventaie pure duchessa normanne. Chille erene e tiempe scufre scure ca se cuzzavene e corne Pape e Imperatore. E succerette ca proprie allore se mettettere nzieme na guagliottele giovane, ca ere quase na radical chic, e nu buzzurre terra terra, spietate e vugliuse.

E che succerette?

Stamme ao 1073. E Pape ere  Gregorio VII. E Imperatore ere Enrico IV . O prubleme ere (e è) sempe chille: “Cummane chiù io o chiù tu? Sta Sichegaite, ca veneve ra na dinastie longobarde e ca s’ere spusate o nurmanne Roberte o Guiscarde, ca pe s’acchiappà ‘sta figliola e o Principate e Salierne s’ere divorziate ra muglier’a, Alberada, nge scudellaie uno ropp’a nat’e otto figlie: Mafalda, Ruggero Borsa, Guido d’Amalfi, Roberto Scalio, Sibilla, Mabilia, Emma e Olimpia.

Ma primme e scudellà, che faceve, ra signurine, sta figliola?

Se ne steve dint’a nu munastere e Salierne vicin’a o Palazze. E là dint’e sturiave. Sturiave e classiche latine e greche e pure e Sacre Scritture. Ma, cumm’e si nun bastasse, s’appassiunaie pure ra merecine e re cose r’erboristerie, ienne appriess’e a na cert’a Trotula de Ruggero.

Ah, a matrona o a sora ca e femmeniste r’oggie anne tirate fore ra e scantinate ra storie fatte sule ra e maschie!

Sta Trotula ere n’ata femmen’e ‘nziste e ca capa fine. Tant’e ca faceve semp’e bella figure ogne vot’e ca parlava cu l’ati dutturun’i ra Scola medica salernitana. Putimme ricere pure ca era na trottole co ciervielle! O faceve girà veloce. E faceve girà pure e cirvielle fra gente attuorne a esse! Sichelgaite ra Trotula se m’paraie nu sacche e cose. Sapite che dicette chiù tarde ‘na cruniste bizantine, ca se chiamave pur esse Nannìne, cumm’a mamma voste, e e cognome faceve Comnena?

No, cose?

Ca Sichelgaite era «cumme a n’at’a Pallade. O forse na seconda Atena». C hill’erene e paragone e mode a chilli tiempe! Sti signurun’e e ‘ste signurone istruite stevene tutt’e a fantasticà ‘ncopp’o ao munne antich’e. E cde tenevene a sumiglià ae divinità pure si s’erene cristianizzate. Ma, ment’e Sichelgaite sturiave n’santa pace, che te succerett’e? Nu iuorne, 3 giugne 1052, arrivaie na brutta nutizie: na bande e ‘amarfitane e bizantine hanne accise a papà vuoste, hann’accise o Principe e Salierne! Anze quacchune rice cha, ra na feneste addo’ stev’affacciate, Sichelgaite verett’e cu l’uocchie suoie ca o accirevene n’coppa o puorte e Salierne.

Povera guaggliottole! Che dulore. Pure si ere principesse e steve cui signuruni, chest’e me rispiace…

E cumme si nun bastasse, a stessa bande r‘amarfitane e bizantine s’acchiappaie pure o frate suoie, Gisulfe II. E menu male ca nu zie lor’e, ca ere e Surriente, o tiraie fore ra e guaie. Stu zie pigliai pur’isse ‘n ostaggie e pariente e ‘sti congiurat’e amarfitane e bizantine ‘. E,facenne o guappe, ricette: E faccie turnà a case sule quanne lasciate turnà addò me Gisulfe II. E chilli tiempe – ma oggie è diverse?- e ricch’e putenti (e fetient’e!) ievene pe spiccie.

Ie saccie ca at’i guaie arrivarene a Sichelgaite proprie ra stu frate. Ma che tipe ere?

Tante Sichelgaite ere na femmen’a toste e fine e cirvielle, tante o frate ere na capa tost’e ma senza cirvielle. Pe isse, primme ma pure roppe o matrimonie ro Guiscarde ca sora soie Sichielgaite, e Nurmanne erene barbare, piezz’e merde. Nunn’e suppurtave proprie. E Sichelgaite cu ‘sta spine rint’o o core – mo cumme faccie pe nu fa ‘ntuzzà frateme cu mariteme, e Nurmanne cue Lungubarde? – capette ca s’avev’e ‘nturtà o marite. O Guiscarde ere sì furbe cumm’a na vorpe e pure curaggiuse cumm’a nu lione ma, quanne faceve politiche, ieve pur isse spiccie spiccie.

E allore che facette Sichelgaite?

E allore, na notte, rint’ao liette Sichelgaite ng’e facette nu ragiunament’e: “Siente a me, Guiscà. Si vuò cuntinuà a cummannà, nun t’appuggià all’Imperatore tedesche. Chille sta troppe luntane. Chille a questione meridionale noste manche ce penz’e. Mettimece co Pape. Faie pace cu isse. E lascia fa a me o riest’e. N’ge mette ie na bona parole. Ca pozze move nu cugine mie, l’Abate Desiderie, ca stà a Montecassine. E accussì, cunsigliate ra sta mugliera r’ore, o Guiscarde facette ‘sta pace co pape r’allore, Niccolò II. Guiscarde mo ere nu Duche, teneve sott’a isse Puglie e Calabrie e puteve stà chiù tranquille. E cu a benedizzione ro Pape se putette piglià pure a Sicilie.

E cheste succereve proprie quanne Sichelgaite parturette o primmme figlie [ Ruggero Borsa]…

Avite capite? Già a chilli tiempe Sichelgaite ere na femmene politiche e pure mamme! Ma e mument’e e pace tra capatoste rurene poche! Specie si songhe signuruni. E accusì fernett’e ca, roppe nu poche, stu pape ‘ncazzuse cumm’ere Gregorie VII iettaie a scomuniche, ca ere na specie e curtellate spirituale, ncoppa a ‘Guiscarde. Ere o 1074. Ma Guiscarde se ne fregaie e se mettet’e assiem’a ao Basileus  e Bisanzi’e. E cu chiste facett’e pure nu patt’e pe fa nzurà na figlia soia, l’urtime, a chiù guagliuncelle, Olimpia, co figlie ro Basileus.

E po’, cumme si e guaje nu bastassere maie, ie saccie ca venette fore na questione e famiglie proprie tra Giuscarde e Sichelgaite.

Eh sì, o marite na sere, sempe ment’e se stevene pe curcà rint’ o liette, stavote ricett’e isse a mugliera, ca se steve p’addurmentà: “Sienteme nu poche, Sichelgà. Quanne ie more, ao poste mie, cummannerà Boemond’e, o figlio ca faciette cu Alberada”. Succerette nu miezze macielle. “Eh, no, eh! Ad cummanà addà esse o figlie mie! – ricette cu na voce e vipere Sichelgaite. E ra allore ‘ncumminciarene a litigà. E si amma crere a chelle ca rice l’ Historia Ecclesiastica  e n’atu cruniste, ca se chiamave Orderico Vitale, Sichelgaite, ca cunusceve – v’arricuordate? – l’erbe, avvelenaie o figliastre. Appene se n’accurgette, o Guiscarde s’incazzaie. A vuleve fa accire sta mugliera ca primme ere r’ore e mo era per isse cumm’a fierre. E allora Sichelgaite ricette: Aspiette!Mettimmece r’accorde, caiIe tenghe nu rimedie ca po sarvà a figliete! E tiraje fore na merecine pe fa svelena o figliastre. E però, primm’e ra cunsegnà, se facette promette ra Giuscarde ca l’erede aveva esse o figlie suoie, Ruggero Borsa. E o vincette n’ata vote.

E subite roppe ati guaje pa capa toste ro frate, Gisulfe II.

Proprie accussì. Chiste cummannave nu Principate suoie, ma nunn’o sapeve guvernà. E so facett’e fregà. Simme arrivat’e ao 1077, tant’e pe ce capì co tiempe ca scorre. E allore Sichelgaite ancore a raccumannà stu frate scapestrate ao marite. E o Guiscarde se facett’e addolcì n’ata vote. Rette a Gisulfo II chiù e mille bisanti r’ore. Nge rette pure o permess’e pe se ne ì addò cummanave pape Gregorio VII, ca a Gisulfe II o pruteggeve e o numenaie Governatore re terre ra Chiesa. Ma Gisulfe II mo miezz’ae longobarde passave pe na pecora nere. Troppe l’odiavane, pecché nunn’ere state capace e tené e Nurmanne luntane ra Salierne. E facett’a a fine e chille ca carene ‘n disgrazie. Primme se n’avett’e fuì a Capue, po’ a Rome. E po’ addò a sor’a soia Gaitelgrima, ca s’ere spusate co Conte Alfredo e Sarno. E pare ca cà murette o 1090 o o 1091.

Ma e tutt’o tirammoll’e: cummanne chiù ie o cummane chiù tu?

Simm’arrivate ao 1078. E o tirammolle ‘sta vote ere tra o Guiscarde e Gregorie VII. Pecché o Guiscarde, aprufittanne ca o Pape se stev’ a muzzecà cull’Imperatore Enriche IV, cercaie e s’arrafà a città e Benevente. O Pape nun nge verette chiù. Però nunn’ere chiù forte cumm’a primme e s’avette stà bbuone e s’avette mette r’accorde. E chiurette tuu’e dduie l’uocchie. E pò o Giuscarde ng’aveve fatte restaurà parecchie chiese e cunvente. E pe fa piacere pure a mugliere Sichelgaite, steve costruenne o Duome e Salierne. Alla fine o Pape o facette Principe e Benevento e nge levaie pure a scomuniche.

Ma venetter’ ancora tiempe e guerre.

Guerre luntane luntane. A Custantinopole, Michele VII Dukas ere carute pe na congiura. E ‘sti congiurate avevene chius’e rint’a nu cunvente proprie a figlia e Guiscarde e e Sichelgaite, Olimpie, chella ca s’aveva spusà cu Custantine, o figlie ro Basileus. Aprite ciele n’ata vote! Sichelgaite cunvencett’e ‘nquattre e quatr’otte o marite e o figliastre Boemonde a partì cu na flotte e nave pe fa na guerre. E ci iette pur’esse! E se rett’e ra fa nziemme all’ati guerriere maschie. Nge rett’e perzine curaggie quanne ‘sti guerriere pa fatiche se stevene ammuscianne.

A me anna ritte ca fu pure ferite ra na freccia a na spalla. E ca o 1081 vincettere na battaglie a Durazze, ca allore faceve parte ro Principate r’Albanie sott’e e Bizantine e stevene pe ghì in Macedonie. Ma arrivaie a nutizie ca Gregorie VII chiereve aiute.

Proprie accussì. Ere sempe chillu cacacazz’e e l’Imperatore Enrico IV ca o minacciave n’ata vote. Allore o Guiscarde ricette ao figlie Boemonde: Piensece tu a cuntinuà a guerre, io torne in Italia pe tirà fore o Pape rae guaie. E accussì sbarcaie a Otrante e arrivaie a Rome ca ere assediate ra e tedesch’e. Ce trasette a maggie 1084 cu n’esercite e seimile cavaliere e trentamile surdate a piere e facetta na strage. Tiraie fore o Papa, ca s’ere asserragliate a Castelsantangelo e so purtaie a Salierne, ca Rome ere distrutte.

Ma mo pe stu Pape, ca ere state accussì potente e ca aveve pigliate a pescie nfaccie l’Imperatore Enriche IV a Canossa, ere arrivate a fine ra carrier’e.

Sì, fenette triste triste in esilie. E menu male ca a Salierne truvaie Sichelgaite, ca o trattaie ancore cumme si fosse nu Pape veramente Papee forte. E po cunsulà nu poche, nge facette cunsacrà o Duome e Salierne, ca mo ere finite. Po ancore guerre, sempe guerre e lutte, sempe lutte. Sichelgaite turnaie nat’a vote co marite in Oriente – ottobre 1084 – cu n’ata flotte sempe pe ì a liberà Olimpia. Ma a Storie rutulave sempe ‘n peggie. Scuppiae n’epidemia e murettere chiù e diecimile surdate. A maggie ro 1085 a Salierne, rint’ao Cenobie e San Beneritte murette Pape Gregorie VII. Duie mise roppe, a metà luglie, a Cefalonie, murette pe nu cuntagie pure Roberte o Guiscarde. E surdate senza iss’e nun vulettere chiù cumbattere e se ne turnarene arrete. Quanne sbarcarene ‘n Puglie cu Guiscarde muorte, nge pigliarene o core fra o piette e o facettere seppellì a Otrante. Po pigliareno o riest’e e o mettetter’e rint’a n’ata chiese ra Badia ra santissima Trinità a Venosa. Sichelgaite ere disperate. Avette pure n’atu lutt’e. Murette o Primate Alfane I, ca ere omme e scienze e letterate, ma ere pure n’amiche, nu parente, nu longobarde; e nge faceve pure ra cunfessore e padre spirituale. Se rette ra fa pe sistemà o figlie Ruggero Borsa, ca ncumengiaie a guvernà o Ducate e Salierne ‘nzieme a ess’e. Ma erene l’urteme iuorne e ‘sta principesse. E ricene ca e passaie preganne o facenne visite a Badie e Cava de’ Tirreni. E ca se ne murette a marze. O iuorne 27 ro 1090. E primme e murì ricette a sora soia, Gaitelgrima: Famme seppellì a Montecassine. E chella accussì facette.

Che brutta fine!

1 pensiero su “A principesse Sichelgaite

  1. Lettura impegnativa, ma questo dialetto, vero o no che sia, ha meno suoni consonantici dell’alfabeto italiano mi pare. E più variazioni vocaliche delle “e” e delle “a”. La principessa era una tosta, attiva e decisa. Fibra forte. Soggetto che si imponeva, anche nel tempo.

Lascia un commento

Il tuo indirizzo email non sarà pubblicato. I campi obbligatori sono contrassegnati *